Parc Coed y Nant: Parc Sglefrio

Mae Parc Coed y Nant yn barc trefol mawr sydd wedi’i leoli yng nghefn Canolfan Hamdden Pentwyn.

Mae gan y parc barc sglefrio presennol sydd mewn cyflwr gwael ac nid yw’n cael ei ddefnyddio llawer er gwaethaf galw mawr yn lleol. Mae’r prosiect hwn yn cynnig cael gwared ar offer presennol y parc sglefrio a darparu parc sglefrio concrit newydd fydd yn cael ei ddatblygu drwy ymgynghoriad. Cafodd lloches ieuenctid ei dynnu i lawr rhai blynyddoedd yn ôl ac mae’r biniau a’r meinciau naill ai wedi’u difrodi neu mewn cyflwr gwael. Mae’r prosiect hwn hefyd yn cynnig biniau a meinciau newydd ac ystyriaeth i ddarparu lloches ieuenctid newydd.

Bydd hyn yn darparu lleoliad canolog, cyfleus i bobl ifanc mewn cyfleusterau sy’n gadarn ac y gellir eu defnyddio. Byddai’r parc sglefrio yn cael ei leoli ar y safle presennol yn y ganolfan hamdden sydd â lleoedd parcio ac amrywiaeth o amwynderau.

Bydd cynllun yn cael ei ddarparu yn seiliedig ar y canlynol:

• Datgomisiynu/dileu’r parc sglefrio presennol
• Ei amnewid am barc sglefrio MAN concrit newydd (300m2).
• Ystyried lloches ieuenctid newydd
• Amnewid biniau a meinciau

Mae newidiadau wedi’u gwneud i ddyluniad y cynllun yn dilyn ymgynghoriad a gallwch eu gweld ar y cynlluniau wedi’u hatodi. Rydym yn aros am sylwadau gan adrannau mewnol a byddwn yn diweddaru’r wefan gyda’r dyluniad terfynol cyn bo hir.