Mae’r hen gapel yn Ysbyty Brenhinol Caerdydd yn Adeilad rhestredig Gradd II sydd wedi’i drawsnewid yn gyfleuster iechyd a llesiant bywiog i drigolion lleol. Mae enw newydd, Capel i Bawb, wedi’i ddewis drwy broses ymgysylltu â’r cyhoedd.
Mae hwn wedi bod yn brosiect partneriaeth gyda chyllid gan y Gronfa Gofal Integredig, Bwrdd Iechyd Prifysgol Caerdydd a Chyngor Caerdydd ac mae bellach yn gartref i lyfrgell iechyd a lles newydd, gwasanaethau’r Cyngor gan gynnwys benthyciadau llyfrau hunanwasanaeth, cyfrifiaduron mynediad agored, gweithgareddau wedi’u hwyluso dan arweiniad Swyddog Cyswllt Cymunedol, mannau cyfarfod a Chaffi Aroma. Mae toiledau mynediad cyhoeddus bellach ar gael yn y mannau cymunedol gan gynnwys toiled cwbl hygyrch a chyfleusterau newid babanod.
Bydd yn adnodd gwerthfawr lle gellir cyfeirio cleifion, defnyddwyr gwasanaeth, gofalwyr a’r gymuned leol at wybodaeth a chyngor, gweithgareddau cymdeithasol, dysgu a hamdden perthnasol a hygyrch. Bydd ganddo rôl allweddol yng Nghanolfan Iechyd a Llys Ysbyty Brenhinol Caerdydd @CRI, a bydd yn rhoi ffocws ar gyfer gwybodaeth, cyngor a chyfeirio gyda’r nod o rymuso pobl i reoli eu hiechyd a’u lles.
