Heol Llwyn Y Pia, Llys-faen

Wedi’i leoli yn hen ddatblygiad Churchlands Redrow yn Llys-faen, mae tŷ canol dwy ystafell wely eang ar gael.

Gyda chysylltiadau trafnidiaeth ardderchog â Chanol y Ddinas a’r M4, mae’r eiddo yn agos at siopau lleol, trafnidiaeth gyhoeddus, beicffyrdd, cyfleusterau chwaraeon rhagorol, llawer o fannau agored, ac mae hefyd yn nalgylch nifer o ysgolion cynradd ac uwchradd.

Wedi’i adeiladu ym mis Medi 2021, mae’r tŷ canol 2 ystafell wely eang ac ynni-effeithlon hwn ar ffordd dawel o fewn y datblygiad.  Mae gan y tŷ deils porslen effaith pren trwy’r llawr gwaelod a’r ystafell ymolchi ar y llawr cyntaf, carped ar y grisiau ac yn yr ystafelloedd gwely, gwres canolog nwy gyda boeler combi LOGIC gradd A.

Mae gan yr eiddo gegin fodern gydag offer o safon a sinc ddwbl, llawer o le storio trwy’r tŷ cyfan yn cynnwys mynediad i’r atig a 3 cwpwrdd storio y gellir mynd atynt o’r cyntedd a’r landin ar y llawr cyntaf, toiled / ystafell gotiau ar y llawr gwaelod, ardal fyw a bwyta cynllun agored eang gyda drysau Ffrengig yn arwain allan i’r ardd gefn.  I fyny’r grisiau mae ystafell ymolchi deuluol a dwy ystafell wely ddwbl gyda ffenestri mawr ym mhob un.  Mae gan yr ardd gefn fynediad cefn ac ochr ac mae gan yr eiddo fan parcio penodedig hefyd.

Gwybodaeth am yr Eiddo 

Cyntedd — Ardal fynediad gyda goleuadau ar y tu allan ar y wal allanol.  Mynediad i ddau gwpwrdd storio a thoiled.  Teils Porslen Argento Effaith Coed Llwyfen (Mandarin Stone)

Toiled ar y llawr gwaelod (1.64m x 1.11m) — lloriau teils (fel uchod) gyda ffan echdynnu o’r nenfwd.

Lolfa (3.98m x 3.91m) – ardal fyw a bwyta cynllun agored eang gyda drysau Ffrengig yn agor allan ar ardd gefn.   Teils effaith pren (fel uchod).

Cegin (2.78m x 1.89m) – Cegin wedi’i ffitio’n llawn i flaen yr eiddo gyda chypyrddau gwyn sgleiniog, arwyneb gwaith a chefn siarcol, ffwrn integredig, hob a ffan echdynnu gyda phanel tasgu dur gwrthstaen, sinc dwbl a lle ar gyfer nwyddau gwyn. Ffenestr allanol a lloriau teils (fel uchod).

Prif ystafell wely (3.91m x 3.37m) – Ystafell wely ddwbl o faint da yng nghefn yr eiddo gyda charpedi safonol niwtral. Cypyrddau dillad drychaidd wedi’u gosod a bleind ffenestr i aros.

Ystafell wely 2 (3.92m x 2.52m) – Ystafell ddwbl o faint da â charpedi niwtral a chwpwrdd storio wedi’i osod.   Bleind ffenestr i aros.

Ystafell ymolchi (2.00m x 1.71m) — Ystafell ymolchi gwyn gyda bath a chawod drydan uwchben, panel cawod gwydr, teils wal lliw niwtral, teils llawr Porslen Effaith Llechi Llwyd Ysgafn fflint (Mandarin Stone), rheilen tywelion sy’n cynhesu crôm a ffan echdynnu o’r nenfwd.

Atig – atig heb ei fordio sy’n cynnig lle storio ychwanegol.  Gorddrws y gellir mynd ato o landin y llawr cyntaf.

Gardd Gefn — Gardd gefn wedi’i thirlunio’n daclus iawn gyda mynedfa gefn ac ochr, patio ac ardal laswellt ar wahân gyda goleuadau allanol, tap allanol a socedi plwg allanol.  Sied i aros.

Parcio – 1 lle wedi ei neilltuo o flaen yr eiddo, gyda lleoedd ychwanegol i ymwelwyr yn y cyffiniau

Treth Gyngor – D(£1,847 y flwyddyn)

Deiliadaeth – RHYDD-DDALIAD

Tâl Gwasanaeth — £178 y flwyddyn (yn cwmpasu cynnal a chadw a draeniad ardaloedd cymunedol wedi eu tirlunio)

Sgôr TPY — B (Dilys tan 29.09.31. Sgôr TPY – Adroddiad llawn ar gael ar-lein drwy www.gov.uk)

Gwarant Cyngor Cenedlaethol Adeiladu Tai – yn ddilys tan fis Medi 2031. 

Yr holl loriau, bleindiau yn yr ystafelloedd gwely a chypyrddau dillad wedi’u gosod i aros.